సీఎం కేసీఆర్ చెప్పిన కీలక విషయాలివే
తెలంగాణ సీఎం కేసీఆర్ కేబినేట్ భేటి ముగిసిన తర్వాత మీడియా సమావేశంలో మాట్లాడారు. ఈ సందర్భంగా ఆయన కీలక విషయాలు తెలిపారు..
- తెలంగాణలో మే 31 వరకు లాక్ డౌన్
- కంటైన్మెంట్ జోన్లు మినహా అన్ని జోన్లు గ్రీన్ జోన్లే.
- కంటైన్మెంట్ జోన్లలో ఆంక్షలు కఠినంగా అమలు.
- 1452 కుటుంబాలు కంటైన్మెంట్ జోన్ల పరిధిలో ఉన్నాయి.
- హైదరాబాద్ మినహా అన్ని ప్రాంతాల్లో బస్సులు తిరుగుతాయి. సిటీ బస్సులకు అనుమతి లేదు.
- వేరే రాష్ట్రాల బస్సులకు తెలంగాణలో అనుమతి లేదు. తెలంగాణ బస్సులు వేరే రాష్ట్రానికి పోవు.
- హైదరాబాద్ లో ఆటోలు,క్యాబ్ లకు అనుమతి.
- క్యాబ్ లలో డ్రైవర్ తో పాటు ముగ్గురికి అనుమతి.
- ఆటోలలో డ్రైవర్ తో పాటు ముగ్గురికి అనుమతి.
- కంటైన్మెంట్ మినహా అన్ని ప్రాంతాల్లో అన్ని ఓపెన్ చేసుకోవచ్చు
- జిల్లాల నుంచి వచ్చిన బస్సులు జూబ్లీ బస్టాండ్ కు అనుమతి.ఇమ్లీమన్ కు అనుమతి లేదు.
- మే 31 వరకు మెట్రో రైళ్లు రద్దు.
- కంటైన్మెంట్ జోన్లు మినహా అన్ని జోన్లలో ఆటోలు,క్యాబ్ లు,బస్సులకు అనుమతి.
- కంటైన్మెంట్ జోన్లు మినహా అన్ని జోన్లలో సెలూన్ షాపులు తెరుచుకోవచ్చు.
- ఈ-కామర్స్ సంస్థలు,స్విగ్గీ,జుమాటోలకు అనుమతి.
- ఫంక్షన్ హాల్స్, థియేటర్లు, మత ప్రార్థనలు, ర్యాలీలు, సమావేశాలకు అనుమతి లేదు.
- విద్యా సంస్థలకు మే 31 వరకు అనుమతి లేదు.
- బార్లు, పబ్‌లు, పార్క్‌లు, జిమ్, అమ్యూజ్‌మెంట్ పార్క్‌లకు అనుమతి లేదు.
- రాత్రి 7 గంటల నుంచి ఉదయం 7 గంటల వరకు కర్ఫ్యూ కొనసాగింపు.
- ప్రభుత్వ,ప్రైవేటు కార్యాలయాలు 100 శాతం సిబ్బందితో నడుపుకోవచ్చు.
- అంతా భౌతిక దూరం పాటిస్తూ మాస్కు ధరించాలి. లేకపోతే జరిమానా తప్పదు.
- రాత్రివేళల్లో కర్ఫ్యూ యథాతధంగా కొనసాగుతుంది. అన్ని కార్యాలయాలు తమ కార్యకలాపాలను నడపుకోవచ్చు.
- పరిశ్రమలు కూడా వంద శాతం సిబ్బందితో నిర్వహించుకోవచ్చు
- హైదరాబాద్ లో దుకాణాలు సరి బేసి విధానంలో తెరుచుకుంటాయి.
- తెలంగాణలో రైతులు 70 లక్షల ఎకరాల్లో పత్తి పంట పండించాలి.
- వర్షాకాలంలో మక్క పంటకు బదులు కంది పంట వేసుకోవాలి.
- 40 లక్షల ఎకరాల్లో వరిపంట వేయాలి.
- తెలంగాణ కాటన్ పంటకు అద్భుతమైన భవిష్కత్ ఉంది. పత్తి చేను పెంచుదాం.
- గత సంవత్సరం 53 లక్షల ఎకరాల్లో పత్తిపంట పండింది.
- నిజామాబాద్,జగిత్యాలలో పసుపు పంట వేసుకోవాలి.
- 15 లక్షల ఎకరాల్లో కంది పంట వేసుకోవాలి.
- ఆదిలాబాద్, నిజామాబాద్ లలో సోయాబిన్ వేసుకోవచ్చు.
- ఇష్టమున్న పంట వేస్తే రైతుబంధు కట్. ప్రభుత్వం చెప్పిన పంట వేస్తేనే రైతుబంధు.
- జిల్లాల వారీగా ఏ పంట వేయాలనేది త్వరలోనే అధికారుల నిర్ణయం.
- కంది పంట వేస్తే ప్రభుత్వమే కొనుగోలు చేస్తుంది.
- నియంత్రిత విధానంలో కొత్త పంటలు పండించేందుకు కొత్త విధానం.
- 2 లక్షల ఎకరాల్లో కూరగాయలు పండించాలి.
- త్వరలో న్యూస్‌ ఛానల్‌ ద్వారా రైతులతో ముఖాముఖి.
- 2604 వ్యవసాయ క్లస్టర్లు ఏర్పాటు.
- ఫుడ్ ప్రాసెసింగ్ సెజ్ లకు అనుమతి.
- కేంద్ర ప్రభుత్వం 20 లక్షల కోట్ల రూపాయల పేరుతో ప్రకటించిన ప్యాకేజీ బోగస్‌.
- కేంద్రం ప్యాకేజీ అంకెల గారడీ.
- కేంద్ర ప్రభుత్వం రాష్ట్ర ప్రభుత్వాల పట్ల దుర్మార్గంగా వ్యవహరిస్తోంది.
- పోతిరెడ్డిపాడు గురించి ఇప్పుడు మాట్లాడదలుచుకోలేదు.
- మా పరిధిలోనే మేం ప్రాజెక్టులు కట్టుకుంటున్నాం.
- గోదావరిలో ఉన్న మిగులు జలాలను రాయలసీమకు తీసుకెళ్లాలి.
- ఏపీతో విబేధాలు లేవు. మేం కలిసే పని చేస్తాం. కానీ తప్పుడు నిర్ణయాలు తీసుకొని ఇబ్బంది కలిగిస్తే ఊరుకునేది లేదు.
- మాస్కు లేకుంటే రూ.1000 జరిమానా. భౌతిక దూరం తప్పనిసరి.
